దర్శకుడు కృష్ణవంశీకి గత కొన్నాళ్లుగా సరైన సినిమా రాలేదు. 'నక్షత్రం' తరవాత ఆయన మెగాఫోన్‌ పట్టలేదు. కాస్త విరామం తరవాత మళ్లీ ఆయన 'యాక్షన్‌.. కట్‌' చెప్పబోతున్నారని తెలిసింది. కృష్ణవంశీ దర్శకత్వంలో ఓ చిత్రం తెరకెక్కనుందని సమాచారం. బండ్ల గణేష్‌ నిర్మాతగా వ్యవహరించే అవకాశాలున్నాయి. 'రుద్రాక్ష' అనే పేరు పరిశీలిస్తున్నారు. హీరోయిన్ ప్రాధాన్యం ఉన్న చిత్రమిది. ఓ స్టార్‌ నాయికని ఎంచుకునే పనిలో చిత్రబృందం ఉంది. త్వరలోనే అధికారిక ప్రకటన రావొచ్చు.