సౌదీ అరేబియా లక్ష్యంగా యెమెన్‌ నుంచి హౌతీ తీవ్రవాదులు సంధించిన రెండు డ్రోన్లను కూల్చివేసినట్లు సౌదీ నేతృత్వంలోని అరబ్‌ కోలిషన్‌ వెల్లడించింది. కోలిషన్‌ అధికార ప్రతినిథి కల్నల్‌ టుర్కి అల్‌ మాల్కి మాట్లాడుతూ, సదరన్‌ ప్రావిన్స్‌ ఆఫ్‌ అసిర్‌ వైపు రాత్రి 11.45 నిమిషాల సమయంలో రెండు డ్రోన్లు సివిలియన్లే లక్ష్యంగా దూసుకొచ్చినట్లు చెప్పారు. డ్రోన్లను విజయవంతంగా కూల్చేయడం జరిగిందనీ, ఈ ఘటనలో ఎవరికీ ఎలాంటి గాయాలూ కాలేదని కల్నల్‌ మాల్కి చెప్పారు. ఖసాఫ్‌ 2కె డ్రోన్స్‌ ద్వారా సౌదీలోని అభా అలాగే జిజాన్‌ ఎయిర్‌పోర్ట్‌లను టార్గెట్‌ చేసినట్లు హౌతీలకు చెందిన న్యూస్‌ ఛానల్‌ అల్‌ మసిరాహ్‌ వెల్లడించింది. ఇరాన్‌ మద్దతుతో హౌతీ తీవ్రవాదులు, సౌదీపై డ్రోన్లు, మిస్సైల్స్‌తో దాడులకు తెగబడుతున్నారు. జూన్‌ 12న జరిగిన మిస్సైల్‌ దాడిలో 26 మంది సివిలియన్స్‌ గాయపడ్డారు. జూన్‌ 23న జరిగిన దాడిలో ఒకరు ప్రాణాలు కోల&్పగా, 21 మందికి గాయాలయ్యాయి.