జెడ్డా: సౌదీ ఎయిర్‌ డిఫెన్స్‌ ఫోర్సెస్‌, ఆయుధాలు కలిగిన డ్రోన్స్‌ని కూల్చివేయడం జరిగింది. హౌతీ తీవ్రవాదులు సదరన్‌ సౌదీ అరేబియా వైపు ఈ డ్రోన్లను సంధించాయని అధికారిక వర్గాలు వెల్లడించాయి. కోలిషన్‌ అధికార ప్రతినిథి కల్నల్‌ టుర్కి అల్‌ మాలికి మాట్లాడుతూ, గురువారం రాత్రి యెమెన్‌ నుంచి సౌదీ వైపు అన్‌మేన్‌డ్‌ ఎయిర్‌ క్రాఫ్ట్‌ దూసుకొచ్చిందనీ, జజాన్‌లోని కింగ్‌ అబ్దుల్లా ఎయిర్‌పోర్ట్‌ని ఈ ఎయిర్‌ క్రాఫ్ట్‌ టార్గెట్‌ చేసుకుందని తెలిపారు. ఇరాన్‌ మద్దతుతో హౌతీ క్రిమినల్స్‌ ఈ దాడికి పాల్పడినట్లు ఆయన తెలిపారు. కాగా, అత్యంత చాకచక్యంగా ఎయిర్‌ క్రాఫ్ట్‌ని కూల్చివేయడం జరిగిందనీ, ఎవరికీ ఎలాంటి గాయాలు ఈ ఘటనలో సంభవించాలేదని కల్నల్‌ టుర్కి అల్‌ మాల్కి వివరించారు.