బహ్రెయిన్‌:హై క్రిమినల్‌ కోర్టు, థాయిలాండ్‌కి చెందిన భార్య, భర్తలకు ఐదేళ్ళ జైలు శిక్షను విధించింది. వీరిపై డ్రగ్స్‌ ట్రాఫికింగ్‌తోపాటు ప్రాస్టిట్యూషన్‌కి పాల్పడుతున్నారనే అభియోగాలు మోపబడ్డాయి. డ్రగ్స్‌ కేసులో ఐదేళ్ళు జైలు శిక్ష పడగా, ప్రాస్టిట్యూషన్‌ కేసులో ఏడాది జైలు శిక్ష విధించింది న్యాయస్థానం. అలాగే ఈ జంటకి 3,000 బహ్రెయినీ దినార్స్‌ జరీమానా కూడా విధించడం జరిగింది. స్థానికంగా 'షాబు' అని పిలవబడే డ్రగ్‌ని తన బాయ్‌ఫ్రెండ్‌ ద్వారా నిందితురాలు సేకరించినట్లు పోలీసులు గుర్తించారు. అత్యంత పకడ్బందీగా ఈ జంట డ్రగ్స్‌ పెడ్లింగ్‌ నిర్వహిస్తున్నట్లు విచారణలో తేలింది. అండర్‌ కవర్‌ ఏజెంట్‌, అత్యంత చాకచక్యంగా నిందితుల్ని రెడ్‌ హ్యాండెడ్‌గా పట్టుకోవడం జరిగింది.