కువైట్‌ సిటీ: మినిస్ట్రీ ఆఫ్‌ హెల్త్‌, హెల్త్‌ ఇన్స్యూరెన్స్‌ పేమెంట్స్‌ని ఆన్‌లైన్‌ ద్వారా మాత్రమే స్వీకరించే ప్రక్రియను జులై 28 నుంచి ప్రారంభించనున్నట్లు పేర్కొంది. ఆన్‌లైన్‌ పేమెంట్‌ ప్రక్రియ పూర్తిస్థాయిలో అమల్లోకి వచ్చిన వెంటనే, మాన్యువల్‌ పేమెంట్‌ని రద్దు చేస్తామని అన్నారు. జులై 28 తర్వాత మాన్యువల్‌ పేమెంట్‌ అనేది జరగదు. డొమెస్టిక్‌ వర్కర్స్‌ అలాగే వలసదారులకు సంబంధించి అన్ని కేటగిరీలవారికీ ఆన్‌లైన్‌ పేమెంట్‌ విధానం వర్తిస్తుంది. వేగవంతంగా ఇన్స్యూరెన్స్‌ పేమెంట్‌ జరిగేందుకోసం ఈ కొత్త విధానాన్ని అమలుల్లోకి తెచ్చినట్లు అధికారులు వివరించారు.