సౌదీ నేతృత్వంలోని అరబ్‌ కోలిషన్‌ ఫోర్సెస్‌, లెజిటిమేట్‌ యెమెనీ గవర్నమెంట్‌తో కలిసి పలు డ్రోన్‌ ఎయిర్‌క్రాఫ్ట్‌లను కూల్చివేయడం జరిగింది. హౌతీ తీవ్రవాదులు వీటిని సంధించగా, వారి పన్నాగాల్ని తిప్పికొట్టగలిగాయి సంకీర్ణ దళాలు. అసిర్‌ రీజియన్‌లోని పౌరులే లక్ష్యంగా ఈ దాడులు జరగాయి. కోలిషన్‌ ఫోర్సెస్‌ అధికార ప్రతినిథి కల్నల్‌ టుర్కి అల్‌ మాలికి మాట్లాడుతూ, పౌరుల్ని అతి కిరాతకంగా హతమార్చే దిశగా హౌతీ తీవ్రవాదులు దారుణాలకు పాల్పడుతున్నారనీ, వాటిని తిప్పి కొడుతున్నామని చెప్పారు. అంతర్జాతీయ హ్యుమానిటేరియన్‌ చట్టాల్ని హౌతీ తీవ్రవాదులు ఉల్లంఘిస్తున్నారని ఆయన చెప్పారు. ఇరాన్‌ మద్దతుతోనే హౌతీ తీవ్రవాదులు రెచ్చిపోతున్నారని కల్నల్‌ టుర్కి అల్‌ మాలికి వివరించారు.