అబుదాబీ: పెంపుడు కుక్కలకి మెడలో తాడు (లీష్‌) లేకుండా బయటకు తీసుకెళితే 5,000 దిర్హామ్‌ల జరీమానా ఎదుర్కోవాల్సి రావొచ్చని అబుదాబీ మునిసిపాలిటీ హెచ్చరించింది. కాగా, డాగ్స్‌ని మాల్స్‌లోకీ అలాగే రెస్టారెంట్స్‌లోకీ అనుమతించబోరు. యానిమల్‌ వెల్ఫేర్‌ అవేర్‌నెస్‌ క్యాంపెయిన్‌లో భాగంగా ఈ రిమైండర్‌ని అబుదాబీ మునిసిపాలిటీ విడుదల చేసింది. పెట్‌ ఓనర్స్‌ మరియు డీలర్స్‌కి చట్టాల పట్ల అవగాణ కల్పించే కార్యక్రమాలు చేపడ్తున్నామని అబుదాబీ మునిసిపాలిటీ పబ్లిక్‌ సేఫ్టీ హెడ్‌ డాక్టర్‌ సయీద్‌ మొహమ్మద్‌ అల్‌ రుమైతి చెప్పారు. పెట్స్‌ని వీధుల్లో వదిలితే 2,000 దిర్హామ్‌ల వరకు జరీమానా విధిస్తారు. కొన్ని జాతులకు చెందిన ప్రాణుల అమ్మకాలపై నిషేధం వుందనీ, అలాంటివాటిని విక్రయిస్తే 10,000 వరకు జరీమానా తప్పదని అల్‌ రుమైతి పేర్కొన్నారు. కుక్కలు, పిల్లుల్ని మినహాయించి ఇతర జంతువుల్ని అనుమతి లేకుండా అపార్ట్‌మెంట్లు, విల్లాల్లో పెంచితే 5,000 వరకు జరీమానా తప్పదు. 18 ఏళ్ళ వయసులోపువారికి పెట్స్‌ అమ్మకం నిషేధం. ఉల్లంఘిస్తే 3,000 దిర్హామ్‌ల జరీమానా విధిస్తారు.