11 ఏళ్ళ బాలుడు, స్విమ్మింగ్‌ నేర్చుకునే ప్రయత్నంలో ప్రాణాలు కోల్పోయాడు. షార్జాలోని ఓ రెసిడెన్షియల్‌ కాంప్లెక్స్‌లో ఈ ఘటన జరిగింది. అల్‌ నధాలోని అల్‌ ఖదెసియా టవర్‌లో గల ఫిట్‌నెస్‌ క్లబ్‌లో అడ్వాన్స్‌ స్విమ్మింగ్‌ లెసన్స్‌కి హాజరయినట్లు తల్లిదండ్రులు చెప్పారు. టైగర్‌ ఫిట్‌నెస్‌ క్లబ్‌లో ఈ ఘటన చోటు చేసుకుంది. పూల్‌ పరిసరాల్లో లైఫ్‌ గార్డ్‌ అందుబాటులో లేదనీ, అదే సమయంలో ఇన్‌స్ట్రక్టర్‌కి సిపిఆర్‌ చేయడం తెలియదని ప్రత్యక్ష సాక్షి వెల్లడించారు. మృతుడు చాలా బ్రిలియంట్‌ స్టూడెంట్‌ అనీ, క్రీడల పట్ల ఆసక్తితో వుండేవాడని మృతుడి కుటుంబ సభ్యులు, సన్నిహితులు చెప్పారు.