దుబాయ్‌:ట్రాఫిక్‌ జరీమానాల్ని ఉపసంహరించుకుంటున్నారంటూ జరుగుతున్న ప్రచారంపై దుబాయ్‌ పోలీస్‌ స్పందించింది. అతి వేగంగా ప్రయాణించిన ఓ వాహనదారుడికి విధించబడిన జరీమానా నుంచి ఉపశమనం లభించిందంటూ సోషల్‌ మీడియాలో ఓ పోస్ట్‌ దర్శనమిచ్చింది. దానిపై స్పందించిన దుబాయ్‌ పోలీస్‌ సెక్యూరిటీ మీడియా డిపార్ట్‌మెంట్‌ డైరెక్టర్‌ కల్నల్‌ ఫైసల్‌ ఇస్సా అల్‌ కాసిమ్‌, పదేళ్ళ క్రితం నాటి మెసేజ్‌గా దాన్ని కొట్టి పారేశారు. ఆ మెసేజ్‌లో వున్న దుబాయ్‌ పోలీస్‌ లోగో పాతదని తేల్చారాయన. సోషల్‌ మీడియా వినియోగదారులు ఇలాంటి రూమర్స్‌ని ప్రచారం చేయడం తగదని కల్నల్‌ కాసిమ్‌ హెచ్చరించారు. ఇలాంటి విషయాలపై అధికారిక సమాచారాన్ని అధికారిక ఛానల్స్‌ ద్వారా మాత్రమే విడుదల చేయడం జరుగుతుందని ఆయన పేర్కొన్నారు.