ఎమిరేట్స్‌, ఎతిహాద్‌లతోపాటుగా ఫ్లై దుబాయ్‌ కూడా మ్యాక్‌ బుక్‌ ప్రో ల్యాప్‌టాప్‌లను చెక్‌డ్‌ లగేజ్‌ అలాగే క్యారీ ఆన్‌ లగేజ్‌లలో నిషేధిస్తున్నట్లు ప్రకటించింది. సెప్టెంబర్‌ 2015 - ఫిబ్రవరి 2017 మధ్య తయారైన ల్యాప్‌టాప్‌లలో సాంకేతిక సమస్య కారణంగా వాటిని విమానాల్లో నిషేధిస్తున్నారు. బ్యాటరీ మార్పు జరిగితే తప్ప వీటిని విమానాల్లోకి అనుమతించడంలేదు. మ్యాక్‌బుక్‌ ప్రో రీకాల్‌కి సంబంధించి వినియోగదారులు తగిన చర్యలు తీసుకుంటే విమానాల్లో అనుమతిస్తారు. ఈ మ్యాక్‌ బుక్‌ ప్రో బ్యాటరీలు అధిక వేడిమిని జనరేట్‌ చేయడం, ఆ తర్వాత అగ్ని ప్రమాదానికి గురి కావడం జరుగుతోంది. ఈ నేపథ్యంలో ఇప్పటికే తయారీ సంస్థ రీ-కాల్‌ చర్యలు చేపట్టింది.