కువైట్‌: నువేయ్‌సిబ్‌ రోడ్డుపై జరిగిన ఓ రోడ్డు ప్రమాదం ఓ కల్నల్‌ని బలి తీసుకుంది. కల్నల్‌ అబ్దుల్‌ రహ్మాన్‌ అల్‌ ఒనజాన్‌ అల్‌ రషిది ఈ రోడ్డు ప్రమాదంలో ప్రాణం కోల్పోయారు. ఫర్వానియా ట్రాఫిక్‌ డిపార్ట్‌మెంట్‌లో విధులు నిర్వహిస్తున్నారు ఈ కల్నల& అబ్దుల్‌ రహ్మాన్‌. రోడ్డు ప్రమాదం గురించిన సమాచారం అందుకోగానే, ఫైర్‌ ఫైటర్స్‌ సంఘటనా స్థలానికి చేరుకుని సహాయక చర్యలు ముమ్మరం చేశారు. అయితే అప్పటికే కల్నల్‌ అబ్దుల్‌ రహ్మాన్‌ ప్రాణాలు కోల్పోయారు. మృతదేహాన్ని ఫోరెన్సిక్‌ పరీక్షల నిమిత్తం తరలించారు. మృతి చెందిన కల్నల్‌కి సంతాపం తెలుపుతూ సోషల్‌ మీడియాలో చాలా పోస్టింగ్స్‌ దర్శనమిచ్చాయి.