మస్కట్‌:మస్కట్‌ యాక్టివిటీ కాంప్లెక్స్‌లో గోడ పైనుంచి పడి ఓ విద్యార్థి గాయాలపాలయ్యాడు. బౌన్స్‌ ఒమన్‌ వద్ద ఈ ఘటన జరిగిందని పబ్లిక్‌ అథారిటీ ఫర్‌ సివిల్‌ డిఫెన్స్‌ అండ్‌ అంబులెన్స్‌ వెల్లడించింది. 6వ గ్రేడ్‌ విద్యార్థి, సుల్తాన్‌ స్కూల్‌లో విద్యనభ్యసిస్తున్నట్లు అధికారులు తెలిపారు. కొత్తగా ప్రారంభమైన కాంప్లెక్స్‌కి స్నేహితులతో కలిసి విద్యార్థి వెళ్ళినట్లు వివరించారు అధికారులు. గాయపడ్డ విద్యార్థిని హుటాహుటిన ఆసుపత్రికి తరలించారు. ఖౌలా హాస్పిటల్‌లో ప్రస్తుతం ఆ విద్యార్థి చికిత్స పొందుతున్నట్లు అధికారులు తెలిపారు. ఘటన జరిగిన వెంటనే ఆ వాల్‌ క్లైంబింగ్‌ యాక్టివిటీని నిర్వాహకులు రద్దు చేశారు.