మస్కట్‌: రాయల్‌ ఒమన్‌ పోలీస్‌ (ఆర్‌ఓపి) కమాండ్‌, 27 మంది వలసదారుల్ని అరెస్ట్‌ చేసినట్లు ప్రకటించింది. ఇందులో అత్యధికులు మహిళలే. పబ్లిక్‌ మొరాలిటీని దెబ్బతీసేలా ప్రవర్తిస్తున్నారంటూ వీరిపై అభియోగాలు మోపబడ్డాయి. 'మస్కట్‌ పోలీస్‌ హెడ్‌ క్వార్టర్స్‌ 21 మంది మహిళల్ని, 6 మంది పురుషుల్నీ అరెస్ట్‌ చేయడం జరిగింది. వీరంతా ఆసియా జాతీయులు. పబ్లిక్‌ మొరాలిటీస్‌ని దెబ్బతీయడమే కాకుండా లేబర్‌ మరియు రెసిడెన్సీ ఉల్లంఘనలకు కూడా వీరు పాల్పడ్డారు..' అంటూ రాయల్‌ ఒమన్‌ పోలీస్‌ ఓ ప్రకటనలో పేర్కొంది. రెంటెడ్‌ అపార్ట్‌మెంట్ల నుంచి వీరిని అదుపులోకి తీసుకున్నారు. అరెస్ట్‌ అయినవారిపై చట్టపరమైన చర్యలు తీసుకోవడం జరుగుతుందని అధికారులు వివరించారు.