ఇండియాలోని ముంబైకి చెందిన రిషికా గుప్తా, దుబాయ్‌లోని అమిటీ యూనివర్సిటీలో అండర్‌గ్రాడ్యుయేట్‌గా విద్యనభ్యసిస్తున్నారు. 20 ఏళ్ళ రిషిక, తాను ఐదేళ్ళుగా దుబాయ్‌లోనే వుంటున్నాననీ, దుబాయ్‌ తన సొంత ఇల్లులా మారిపోయిందని చెప్పారు. ఇటీవల ముంబైలో జరిగిన మిస్‌ ఇండియా వరల్డ్‌ వైడ్‌ పోటీల్లో యూఏఈ తరఫున రిప్రెజెంట్‌ చేశారు రిషిక. ఈ పోటీలకు ముందు ఆమె మిస్‌ ఇండియా యూఏఈ టైటిల్‌ని స్టార్‌ హంట్‌ 2018 కాంటెస్ట్‌లో గెల్చుకున్నారు. 2018లో ఈ టైటిల్‌ ఆమెను వరించింది. స్వతహాగా మేకప్‌ ఆర్టిస్ట్‌ అలాగే యంగ్‌ స్టూడెంట్‌ అయిన రిషిక, సొంతంగా కొరియోగ్రఫీ కూడా చేసుకోగలరు. ఫ్యాషన్‌ షోలు, కల్చరల్‌ ఈవెంట్స్‌లో తనకు తాను ఆమె కొరియోగ్రఫీ చేసుకుంటారు. కాన్సెప్ట్‌లను కూడా డిజైన్‌ చేసుకుంటారు.