దుబాయ్‌ మునిసిపాలిటీ, ప్రపంచంలోనే అతి పెద్ద త్రీడీ ప్రింటెడ్‌ స్ట్రక్చర్‌ని వార్సన్‌ ఏరియాలో ఆవిష్కరించింది. సీనియర్‌ మునిసిపాలిటీ అధికారులు మాట్లాడుతూ, 640 చదరపు మీటర్ల ఏరియాలో 9.5 మీటర్ల ఎత్తులో రెండు అంతస్తుల భవనం త్రీడీ ప్రింటెడ్‌ స్ట్రక్చర్‌గా రూపొందిందని తెలిపారు. దుబాయ్‌లో ఈ తరహా భవనాలు ముందు ముందు మరిన్ని నిర్మితమవుతాయని దుబాయ్‌ మునిసిపాలిటీ డైరెక్టర్‌ దావూద్‌ అల్‌ హజ్రి చెప్పారు. ఈ బిల్డింగ్‌ ఇన్నోవేషన్‌ సెంటర్‌గా వినియోగిస్తారు. ఏడాది సమయంలో ఈ బిల్డింగ్‌ నిర్మాణం (ప్రింటింగ్‌) జరిగింది. సాధారణ పద్ధతుల్లో అయ్యే ఖర్చులో సగం ఖర్చుతో ఈ భవన నిర్మాణం జరుగుతుందని నిర్వాహకులు చెప్పారు. 1 మిలియన్‌ దిర్హామ్‌ల వరకు ఈ నిర్మాణానికి ఖర్చవుతుంది.