దుబాయ్‌ మిరాకిల్‌ గార్డెన్‌ తన ఎనిమిదవ సీజన్‌ని నవంబర్‌ 1న ఆవిష్కరించుకోనుంది. దుబాయ్‌ల్యాండ్‌లో 72,000 చదరపు మీటర్ల వైశాల్యంలో ఇది ఏర్పాటయ్యింది. 120 రకాలకు చెందిన 50 మిలియన్‌ ఫ్లవర్స్‌ తమ పరిమళాల్ని ఈ మిరాకిల్‌ గార్డెన్‌లో వెదజల్లుతాయి. ప్రతిరోజూ ఉదయం 9 గంటల నుంచి రాత్రి 9 గంటల వరకు, వీకెండ్స్‌లో ఉదయం 9 గంటల నుంచి రాత్రి 11 గంటల వరకు ఈ గార్డెన్‌ సందర్శకులకు అందుబాటులో వుంటుంది. కాగా, 12 ఏళ్ళ వయసు దాటినవారికి 55 దిర్హామ్‌లు, 12 ఏళ్ళ లోపు పిల్లలకు 40 దిర్హామ్‌లు టిక్కెట్‌ ధరగా నిర్ణయించారు. మూడేళ్ళ లోపు పిల్లలకు అలాగే పీపుల్‌ ఆఫ్‌ డిటర్మినేషన్‌కి ప్రవేశం ఉచితం. ఈసారి గార్డెన్‌లో మరిన్ని ఆసక్తికరమైన అంశాలుండబోతున్నాయని నిర్వాహకులు తెలిపారు. 400 మీటర్ల పొడవున కొత్త వాకింగ్‌ ట్రాక్‌ని ఏర్పాటు చేశారు.