క్యాబినెట్‌ పెట్రోల్‌ ధరలను సవరిస్తూ నిర్ణయం తీసుకుంది. బహ్రెయిన్‌ ఆర్థిక వ్యవస్థను బలోపేతం చేసే దిశగా ఈ చర్యలు తీసుకున్నారు. ఎగ్జిక్యూటివ్‌ కమిటీ సూచన మేరకు క్యాబినెట్‌, పరిస్థితిని సమీక్షించింది. నేషనల్‌ ఆయిల్‌ మరియు గ్యాస్‌ అథారిటీ (ఎన్‌ఓజిఎ) ఈ మేరకు క్యాబినెట్‌కు ఓ నివేఇక అందించింది. సవరించిన ధరలు ఇలా ఉన్నాయి. 95 ఆక్టేన్‌ పెట్రోల్‌ ధర 160 ఫిల్స్‌, 91 ఆక్టేన్‌ పెట్రోల్‌ ధర 125 ఫిల్స్‌. జనవరి 12 నుంచి ఈ కొత్త ధరలు అమల్లోకి వస్తాయి. పెట్రోల్‌ ధరల సవరణ సమీప భవిష్యత్తులో దేశ ఆర్థిక వ్యవస్థకు ఊతమిస్తుందని ఎనర్జీ మినిస్టర్‌ డాక్టర్‌ అబ్దుల్‌ హుస్సేన్‌ బిన్‌ అలి మీర్జా చెప్పారు. అంతర్జాతీయంగా చమురు ధరల పతనంతో ఆర్థిక సంక్షోభం తలెత్తిందనీ, ఆర్థిక లోటును పూడ్చుకునేందుకే ఈ చర్యలు చేపట్టాల్ని వచ్చిందని ఆయన అన్నారు.