టాలీవుడ్ 'మిత్రబింద' కాజల్ అగర్వాల్ వచ్చే ఏడాది పెళ్లిపీటలెక్కబోతోందట!. నిన్న, మెన్నటి వరకు పెళ్లెప్పుడు? అంటే... ''నాకన్నా సీనియర్లు ఎందరో ఉన్నారు. వారందరికీ కానీయండి. అప్పుడు ఆలోచిస్తాను.'' అంటూ తప్పించుకుంటూ వచ్చింది కాజల్. అయితే పెళ్లి విషయంలో ఆమె తప్పించుకుంటున్నా.. ఆమె కుటుంబం మాత్రం ఒప్పుకోవడం లేదు. కాజల్ చెల్లెలు నిషా ఇప్పటికే పెళ్లి చేసుకొని స్థిరపడిపోయింది. అందుకే కాజల్‌ను కూడా పెళ్లి చేసుకోమని ఇంట్లో ఒత్తిడి తెస్తున్నారట. ఆ కారణంగా కాజల్ పెద్దగా సినిమాలు కూడా అంగీకరించడం లేదని తెలిసింది. సినిమాలు అంగీకరించకపోవడంపై ఏవో కహానీలు చెబుతున్నా.. దానికి అసలు కారణం పెళ్లి ఆలోచనేనట! చేతిలో ఉన్న సినిమాలు త్వరగా పూర్తి చేసి వచ్చే సంవత్సరం నాటికి పెళ్లి పీటలు ఎక్కుతానని కాజల్ ఇంట్లో చెప్పిందట. పెళ్లికి కాజల్ గ్రీన్ సిగ్నల్ ఇవ్వడంతో ఆమె కుంటుంబ సభ్యులు ప్రస్తుతం వరుడి వేటలో ఉన్నారట!