దుబాయ్‌ మిరాకిల్‌ గార్డెన్‌లో కొత్త సీజన్‌ వరుసగా ఎనిమిదోసారి నేడు ప్రారంభం కాబోతోంది. హార్ట్‌ ఆఫ్‌ దుబాయ్‌ ల్యాండ్‌లో 72,000 చదరపు మీటర్ల విస్తీర్ణంలో ఈ గార్డెన్‌ ఏర్పాటయ్యింది. 50 మిలియన్లకు పైగా ఫ్లవర్స్‌ ఇక్కడ చూపరుల్ని ఆకర్షించనున్నాయి. ఇందులో 120 వెరైటీస్‌ని పొందుపరిచారు. 400 మీటర్ల వాకింగ్ ట్రాక్‌, లైఫ్‌ సైజ్‌ యానిమల్స్‌కి సంబంధించి త్రీడీ షేప్స్‌, యాంఫీ థియేటర్‌ వంటివి ఇక్కడ సందర్శకుల్ని అలరించనున్నాయి. ఉదయం 9 గంటల నుంచి రాత్రి 9 గంటల వరకు మిరాకిల్‌ గార్డెన్‌లోకి సందర్శకుల్ని అనుమతిస్తారు సాధారణ రోజుల్లో. వారాంతాల్లో ఉదయం 9 గంటల నుంచి రాత్రి 11 గంటల వరకు ఈ పార్క్‌ సందర్శకులతో కిటకిటలాడనుంది. పెద్దలకు 55 దిర్హామ్‌లు, పిల్లలకు (12 ఏళ్ళలోపు) 40 దిర్హామ్‌లు వసూలు చేస్తారు. 3 ఏళ్ళలోపు చిన్న పిల్లలకు అలాగే పీపుల్‌ ఆఫ్‌ డిటర్మినేషన్‌కి ఉచిత ప్రవేశం.