యూ.ఏ.ఈ:17 ఏళ్ళ ఎమిరేటీ బాలుడు రోడ్డు ప్రమాదంలో ప్రాణాలు కోల్పోయాడు. యువకుడు ప్రయాణిస్తున్న వాహనం అదుపు తప్పడంతో, వాహనం బోల్తా పడింది. ప్రమాద తీవ్రత చాలా ఎక్కువగా వుండడంతో సంఘటనా స్థలంలోనే ఆ బాలుడు ప్రాణాలు కోల్పోయాడు. ఈ ఘటనలో మరో వ్యక్తి కూడా గాయపడినట్లు తెలుస్తోంది. అతన్ని ఆసుపత్రికి తరలించి వైద్య చికిత్స అందిస్తున్నారు. మృతుడు సుల్తాన్‌ అనీ, మసాఫి స్కూల్‌లో గ్రేడ్‌ 12 చదువుతున్నట్లు అధికారులు తెలిపారు. రస్‌ అల్‌ ఖైమా ఎమిరేట్‌లోని ఆథామా ప్రాంతానికి చెందిన వ్యక్తిగా మృతుడ్ని గుర్తించడం జరిగింది.