లండన్‌ లో దారుణం చోటుచేసుకుంది. ఉన్నతచదువుల కోసం యూకే వెళ్లిన ఒమన్ స్టూడెంట్ మొహమ్మద్‌ బిన్‌ అబ్దుల్లా అల్‌-అరైమి హత్యకు గురయ్యాడు. గుర్తు తెలియని దుండగులు అతన్ని కత్తితో పొడిచి చంపినట్లు లండన్‌ లోని సుల్తానేట్‌ రాయబార కార్యాలయ వర్గాలు తెలిపాయి. ఒమన్‌ విద్యార్ధి హత్య దుర్ఘటన దురదృష్టకరం అని, మృతుడి కుటుంబ సభ్యులకు తమ ప్రగాఢ సానుభూతి తెలియజేస్తున్నట్లు రాయబార కార్యాలయ అధికారులు ప్రకటించారు. ఈ ఘటనపై సంబంధిత అధికారులతో సంప్రదిస్తున్నామని, హత్య వివరాలను సునిశితంగా పరిశీలిస్తున్నామని వెల్లడించారు.