కువైట్‌ సిటీ: ఇద్దరు యువకులు, ఓ యువతి కోసం కొట్లాటకు దిగగా వారిని పోలీసులు అరెస్ట్‌ చేశారు. హవాలీ పోలీస్‌ స్టేషన్‌ వద్ద ఈ ఘటన చోటు చేసుకుంది. ఇద్దరు యువకుల్లో ఒకరు, ఓ యువతితో ప్రేమలో వున్నట్లు పోలీసులు తెలిపారు. కాగా, తన గర్ల్‌ఫ్రెండ్‌ని ఇంకో వ్యక్తి కలవడాన్ని జీర్ణించుకోలేక, వార్నింగ్‌ ఇచ్చిన ఓ యువకుడు, ఆ తర్వాత అతనిపై దాడి చేసినట్లు పోలీసులు వివరించారు. పరస్పరం ఇరువురూ రోడ్డుపై కొట్లాడుకోవడంతో ప్రత్యక్ష సాక్షి ఒకరు ఈ ఘటనపై పోలీసులకు సమాచారం ఇవ్వడం జరిగింది. మినిస్ట్రీ ఆఫ్‌ ఇంటీరియర్‌ - ఆపరేషన్స్‌ రూమ్‌కి సమాచారం అందగా పోలీసులు రంగంలోకి దిగి, యువకుల్ని అరెస్ట్‌ చేశారు.