మస్కట్‌: ది మినిస్ట్రీ ఆఫ్‌ మేన్‌ పవర్‌, 40 మందికి పైగా కార్మికుల్ని మస్కట్‌ గవర్నరేట్‌ పరిధిలో అరెస్ట్‌ చేసినట్లు వెల్లడించింది. పీరియాడిక్‌ ఇన్‌స్పెక్షన్‌ సందర్భంగా ఉల్లంఘనలకు పాల్పడుతున్నవారిని అరెస్ట్‌ చేయడం జరిగింది. అల్‌ ఖువైర్‌ ప్రాంతంలో 42 మందిని అధికారులు అదుపులోకి తీసుకున్నారు. పలు స్టోర్స్‌లో నిబంధనలను ఉల్లంఘించి వీరు పనిచేస్తున్నట్లు అధికారులు తెలిపారు. పబ్లిక్‌ రోడ్లపై కార్లను వాష్‌ చేయడం, రోడ్లపై చేపల్ని విక్రయించడం వంటివి నిందితులు చేస్తున్నట్లు అధికారులు వివరించారు. అరెస్ట్‌ అయిన నిందితులపై చట్టపరమైన చర్యలు తీసుకుంటామని మినిస్ట్రీ పేర్కొంది.