సౌదీ అరేబియాలోని రియాద్ లో విషాదం చోటుచేసుకుంది. రియాద్ లోని అల్ మారెఫా యూనివర్సిటీ బిల్డింగ్ కుప్పకూలటంతో ఇద్దరు మృతి చెందారు. మరో 13 మందికి గాయాలయ్యాయి. సమాచారం అందుకోగానే సివిల్ డిఫెన్స్ అధికారులు ఘటన స్థలానికి సహాయక బృందాలను తరలించారు. శిథిలాల్లో చిక్కుకున్న వారిని వెలుపలికి తీశారు. గాయపడిన వారిని ఆస్పత్రికి తరలించారు. అయితే..శిథిలాల కింద ఇంకా ఎవరైనా చిక్కుకొని ఉండే అవకాశాలు ఉండటంతో సహాయక చర్యలను కొనసాగిస్తున్నాట్లు సివిల్ డిఫెన్స్ స్పోక్స్ పర్సన్ లెఫ్టినెంట్ కల్నల్ మొహమ్మద్ ఎల్ హమ్మది తెలిపారు.