బ్యూటీ రిచా గంగోపాధ్యాయ పెళ్లి పీటలెక్కింది. తన కాలేజ్ మేట్ మరియు ప్రియుడు అయిన జో లాంగెల్లా ను వివాహమాడింది. రిచా అమెరికాలోని వాషింగ్టన్ యూనివర్సిటీ నందు ఎం బి ఏ చదివే సమయంలో వీరిమధ్య ప్రేమ చిగురించింది. కొద్దిరోజుల క్రితం ఎంగేజ్ జరుపుకున్న ఈ జంట తాజాగా పెళ్లితో ఒక్కటయ్యారు. అటు బెంగాలీ మరియు అమెరికన్ సాంప్రదాయాలలో వీరి పెళ్లి జరిగింది.

మోడల్ గా కెరీర్ ప్రారంభించిన రిచా 2010లో రానా డెబ్యూ మూవీగా శేఖర్ కమ్ముల దర్శకత్వంలో వచ్చిన లీడర్ తో హీరోయిన్ గా వెండితెరకు పరిచయమయ్యారు. ఆతరువాత వెంకటేష్ హీరోగా వచ్చిన నాగవల్లి, రవితేజ సరసన మిరపకాయ్ చిత్రాలలో నటించారు. ప్రభాస్ తో ఆమె చేసిన మిర్చి బ్లాక్ బస్టర్ హిట్ గా నిలిచింది. నాగార్జున హీరోగా 2013లో వచ్చిన భాయ్ చిత్రం తరువాత రిచా సినిమాలకు బై చెప్పేశారు.