మస్కట్‌: ఒమన్‌లోని పలు ప్రాంతాలు భారీ వర్షాల కారణంగా సమస్యలు ఎదుర్కొంటున్నాయి. పిఎసిడిఎ వెల్లడించిన వివరాల ప్రకాం ఈ వర్షాలు మరికొన్ని రోజులు కొనసాగుతాయి. ఒమన్‌ సీ కోస్ట్‌ ప్రాంతాల్లో భారీ స్థాయిలో మేఘాలు ఫామ్‌ అవుతున్నాయనీ, వీటి కారణంగా వర్షాలు కురుస్తున్నాయని అధికారులు తెలిపారు. ముసాందమ్‌, నార్త్‌ మరియు సౌత్‌ అల్‌ బతినా, మస్కట్‌ అలాగే అల్‌ హజార్‌ మౌంటెయిన్స్‌ (అల్‌ బురైమి, దహిరాహ్‌, అల్‌ దఖ్లియా, సౌత్‌ అల్‌ బతినా) ప్రాంతాల్లోనూ వర్షాలు కురుస్తున్నాయి. నార్త్‌ అల్‌ బతినాలోని విలాయత్స్‌ అయిన షినాస్‌, లివా, సోహార్‌, సహమ్‌, అల్‌ ఖబౌరా మరియు అల్‌ సువైక్‌లలో తండర్‌స్టార్మ్స్‌ చోటు చేసుకుంటున్నాయి. భారీ వర్షాల కారణంగా లోతట్టు ప్రాంతాలు జలమయమవుతున్నాయి.