రోడ్స్‌ అండ్‌ ట్రాన్స్‌పోర్ట్‌ అథారిటీ దుబాయ్‌ - హట్టా రోడ్డుపై వేగ నియంత్రణకు పరిమితులు విధించింది గంటకు 120 కిలోమీటర్ల నుంచి 100 కిలోమీటర్లకు వేగాన్ని తగ్గిస్తూ నిర్ణయం తీసుకున్నారు. జనవరి 20 నుంచి ఈ నిబందన వర్తిస్తుంది. వాహనదారుల భద్రత నేపథ్యంలోనే ఈ నిర్ణయం తీసుకున్నట్లు ఆర్‌టిఏ ట్రాఫిక్స్‌ అండ్‌ రోడ్స్‌ ఏజెన్సీ సీఈఓ, ఇంజనీర్‌ మైతా బిన్‌ ఉదాయ్‌ చెప్పారు. ఇటీవల జరిగిన రోడ్డు ప్రమాదాల్లో 5 మంది మృత్యువాత పడగా, 4 మంది అత్యంత తీవ్రంగా గాయపడగా, 9 మంది తీవ్ర గాయాలతోనూ, 29 మంది ఓ మోస్తరు గాయాలతోనూ బయటపడ్డారు. ఈ ప్రమాదాల నేపథ్యంలో రోడ్లపై వేగాన్ని నియంత్రించేందుకు చర్యలు చేపట్టారు. ప్రమాద హెచ్చరిక బోర్డులనూ రోడ్లపై అదనంగా పెడుతున్నారు.