దుబాయ్:హీరో మోహన్ లాల్ కుడి చేతికి దుబాయ్ ఆస్పత్రిలో సక్సెస్ ఫుల్ గా సర్జరీ జరిగింది. దుబాయ్ లోని బుర్జీల్ హాస్పిటల్ ఫర్ అడ్వాన్స్‌డ్ సర్జరీ ఆస్పత్రిలో ఈ ఆపరేషన్ జరిగింది. సక్సెస్ ఫుల్ గా సర్జరీ నిర్వహించి తన పట్ల కేర్ తీసుకున్న డాక్టర్ డా.భువనేశ్వర్ కు మోహన్ లాల్ థ్యాంక్స్ చెప్పారు. మోహన్ లాల్ కొన్నాళ్లుగా కుడి చేతి మణికట్టుకు బ్యాండ్ తో కనిపించిన ఫోటోలు సోషల్ మీడియాలో వైరల్ అయిన విషయం తెలిసిందే. మోహన్ లాల్ లాంటి సెలబ్రిటీ సర్జరీ కోసం తమ ఆస్పత్రిని సెలక్ట్ చేసుకోవటం దుబాయ్ వైద్యరంగానికి మంచి పరిణామం అని బుర్జీల్ హాస్పిటల్ మెడికల్ డైరెక్టర్ నయ్జాక్ రౌఫ్ అన్నారు.