ఒమన్ రూలర్ సుల్తాన్ ఖభూస్ హెల్త్ కండీషన్ మరింత క్రిటికల్ గా మారింది. దీంతో ఆయన కోలుకోవాలంటూ దేశవ్యాప్తంగా ప్రజలు ప్రార్థనలు చేస్తున్నారు. సుల్తాన్ ఆరోగ్యం మెరుగుపడాలని కోరుతూ ప్రార్థిస్తున్నట్లు సోషల్ మీడియాలో పోస్టింగ్ లు వెల్లువెత్తుతున్నాయి. 'లాంగ్ లీవ్ రూలర్', ' రూలర్ త్వరగా కోలుకోవాలంటూ' ట్విట్టర్, ఇన్స్ స్టాగ్రామ్ లో ప్రజలు పోస్టింగ్స్ పోస్ట్ చేస్తున్నారు.

దీర్ఘకాల వ్యాధితో బాధపడుతున్న సుల్తాన్ ఖబూస్ కొన్నాళ్లు విదేశాల్లో చికిత్స పొందుతున్నారు. కానీ, ఇప్పుడు ఆరోగ్య పరిస్థితి విషమంగా మారటంతో..అతని వారసుడి ఎంపికపై చర్చ వేడెక్కింది. అయితే..రూలర్ తన తరువాతి వారసుడి పేరును ఓ సీల్డ్ కవర్ దాచిపెట్టారు. తాను చనిపోయిన తర్వాత కవర్ ఓపెన్ చేయాలని కండీషన్ విధించారు. దీంతో రూలర్ సుల్తాన్ ఖబూస్ స్థానంలో అతని వారసుడిగా ఎవరు రాబోతున్నారనేది ఉత్కంఠ రేపుతోంది.

సుల్తాన్ ఖభూస్ 1940లో సలాల లో జన్మించారు. ఐదు దశాబ్దాల పాటు మకుటం లేని మహారాజుగా ప్రజల మన్నలు అందుకున్నారు. గల్ఫ్ కంట్రీస్ తో సత్సంబంధాలు కొనసాగిస్తూ దేశ అభివృద్ధిలో కీలక పాత్ర పోషించారు.