కువైట్:నేరగాళ్లపై ఉక్కుపాదం మోపే గల్ఫ్ కంట్రీస్ లో ఓ దొంగ దుస్సాహసం కువైట్ పోలీసులకు సవాల్ గా మారింది. అతను చేసిన రెండు చోరీ కేసులు పోలీసులకు ప్రెస్టేజ్ ఇష్యూగా మారింది. వివరాల్లోకి వెళ్తే..కువైట్ లోని సుర్రాలో ఓ దొంగ బార్బర్ షాపులోకి చొరబడి డబ్బు ఎత్తుకెళ్లిపోయాడు. వెళ్తూ వెళ్తూ సీసీ కెమెరా రికార్డర్ ను కూడా తీసుకెళ్లిపోయాడు. అయితే..గతంలో లాండ్రీ షాపులో కూడా అచ్చం ఇలాంటి దొంగతనమే జరిగింది. అక్కడ కూడా దొంగ డబ్బు, సీసీ కెమెరా రికార్డర్ ఎత్తుకెళ్లిపోయాడు. దీంతో బార్బర్ షాపులో చోరీకి పాల్పడిన వ్యక్తే లాండ్రీ షాపులోనూ చోరికి పాల్పడినట్లు పోలీసులు ప్రధామికంగా నిర్ధారణకు వచ్చారు. లాండ్రీ షాపు యజమాని ఫిర్యాదు మేరకు కేసు నమోదు చేసిన పోలీసులు అతని కోసం గాలిస్తున్నారు.