మస్కట్:రస్ అల్ రువైస్-అల్ ఖువైమా రోడ్డుపై ప్రయాణించే వాహనదారులు అప్రమత్తంగా డ్రైవ్ చేయాలని రాయల్ ఒమన్ పోలీసులు సూచించారు. రోడ్డుపై ఇసుక తిన్నెలు మేటలు వేయటంతో ప్రమాదాలు జరిగే ఆస్కారం ఉందని హెచ్చరించారు. అల్ రువైస్ వెళ్లే మెయిన్ రోడ్డు నుంచి అల్ ఖువైమా వరకు ఇసుక పేరుకుపోయిందని తెలిపారు. దీంతో  ఓవర్ స్పీడ్ గా వెళ్లినా, సడెన్ బ్రేకులు వేసినా వాహనాలు అదుపు తప్పే ప్రమాదం ఉందని..తగిన జాగ్రత్తలు పాటించాలని వాహనదారులను అప్రమత్తం చేసింది.