బహ్రెయిన్:ఫస్ట్‌ హై అప్పీల్స్‌ కోర్ట్‌ చీఫ్‌, పలువురు న్యాయవాదులకు స్పష్టమైన హెచ్చరికలు జారీ చేశారు. తమ క్లయింట్లకు సంబంధించిన కేసుల విషయమై సదరు లాయర్లు ఖచ్చితమైన అవగాహన లేకుండా న్యాయస్థానాలకు వస్తున్నారని పేర్కొన్న కోర్టు చీఫ్‌, సరైన హోమ్‌ వర్క్‌ చేసుకుని రావాలంటూ హెచ్చరించారు. క్లోజింగ్‌ ఆర్గ్యుమెంట్స్‌ రాతపూర్వకంగా అలాగే వెర్బల్లీ సరిగ్గా వుండాలని ఈ సందర్భంగా కోర్టు చీఫ్‌ పేర్కొన్నారు. ఇదే తప్పిదం ఇంకోసారి పునరావృతం కాకూడదని కూడా హెచ్చరించిన కోర్టు చీఫ్‌, ఓ న్యాయవాదికి 100 బహ్రెయినీ దినార్ల జరీమానా విధించడం జరిగింది.