సౌదీ అరేబియాలోని వెస్ట్రన్‌ పార్ట్‌ లోని జెడ్డా సిటీలో భారీ అగ్నిప్రమాదం చోటు చేసుకుంది. నిర్మాణంలో ఉన్న భవనంలో నుంచి పెద్ద ఎత్తున మంటలు ఎగిసిపడ్డాయి. తెల్లవారుజామున లేవగానే స్థానికులు ప్రమాదాన్ని గుర్తించి సివిల్‌ డిఫెన్స్‌ టీంకి సమాచారం అందించారు. వెంటనే స్పందించిన సివిల్‌ డిఫెన్స్‌ టీం వెంటనే స్పాట్‌ కు చేరుకొని మంటలను అదుపులోకి తీసుకొచ్చే ప్రయత్నాలు ప్రారంభించింది. పెద్ద ఎత్తున మంటలు వ్యాపించటంతో మంటలను అదుపులోకి తీసుకురావటం కష్టంగా మారింది. టవర్స్‌ టాప్ ఫ్లోర్స్ మంటలు ఎగిసిపడుతున్నట్లు సివిల్‌ డిఫెన్స్‌ అధికారులు అఫిషియల్‌ ట్విట్టర్‌ అకౌంట్లో ట్వీట్‌ చేశారు. ఈ ప్రమాదంలో అదృష్టవశాత్తు ఎలాంటి ప్రాణనష్టం సంభవించలేదని తెలిపారు.