తెలంగాణ ముఖ్యమంత్రి కేసీఆర్‌తో నటుడు, ఎమ్మెల్యే నందమూరి బాలకృష్ణ సమావేశమయ్యారు. ముఖ్యమంత్రితో బసవతారకం కేన్సర్‌ ఆసుపత్రి అంశంపై బాలకృష్ణ చర్చించారు. పేద, ధనిక అనే తేడా లేకుండా రోగులకు ఆసుపత్రి అందిస్తున్న సేవలను వివరించారు. రోగుల బంధువుల కోసం ఆసుపత్రి సమీపంలో షెల్టర్లు నిర్మించాలని కేసీఆర్‌ను బాలకృష్ణ కోరారు. దీనికి స్పందించిన కేసీఆర్‌ ప్రభుత్వ, ప్రయివేటు అనే భేదం లేకుండా అన్ని ఆసుపత్రుల వద్ద షెల్టర్లను ఏర్పాటు చేస్తామని హామీ ఇచ్చారు.