యూఏఈ వెదర్‌ బ్యూరో, సోమవారం వర్షం కురిసే అవకాశం వున్నట్లు పేర్కొంది. నేషనల్‌ సెంటర్‌ ఫర్‌ మిటియరాలజీ వెల్లడించిన వివరాల ప్రకారం, సోమవారం ఓ మోస్తరుగా వర్షపాతం నమోదువుతుందనీ, ఆ తర్వాత రోజుల్లో కొంతమేర వర్షాలు కురిసే అవకాశం వుందనీ తెలుస్తోంది. కాగా, యూఏఈలో గత వారం భారీ వర్షాలు నమోదయ్యాయి. కోస్టల్‌ ప్రాంతాల్లో ఈ వర్షం ఎక్కువగా కురిసింది. మూడు రోజులపాటు హై విండ్స్‌, హెవీ రెయిన్‌ కొంత ఇబ్బందికరమైన పరిస్థితికి కారణమయ్యాయి. వచ్చే వారం మరిన్ని వర్షాలు కురుస్తాయనే వాతావరణ శాఖ హెచ్చరికలతో అధికార యంత్రాంగం అప్రమత్తమయ్యింది. నార్తరన్‌ పార్ట్స్‌, కోస్టల్‌ ఏరియాస్‌లో ఈ వర్షాలు ఎక్కువగా కురిసే అవకాశముంది.