ఉద్యోగాన్ని లేదా పనిని దాంతోపాటుగా ఒమన్‌ని విడిచిపెట్టాలనుకుంటే, ఇకపై రెండేళ్ళపాటు తిరిగి ఒమన్‌ వచ్చే అవకాశం లేకుండా కఠిన చర్యలు తప్పవని ఒమన్‌ అధికారిక వర్గాలంటున్నాయి. నో అబ్జెక్షన్‌ సర్టిఫికెట్‌ ఉన్నా, రెండేళ్ళ బ్యాన్‌ తప్పనిసరని వారు చెప్పారు. ఈ వివాదంలో ఎన్‌ఓసీ లెటర్‌ ఏమాత్రం పనికిరాదని ఇమ్మిగ్రేషన్‌ డిపార్ట్‌మెంట్‌ స్పష్టం చేసిందని రాయల్‌ ఒమన్‌ పోలీసు అధికారి వివరించారు. అయితే ఏ సంస్థ నుంచి అయితే పని మానేయాలనుకున్నాడో, తిరిగి అదే సంస్థలో ఆ వ్యక్తి చేరాలనుకుంటే మాత్రం రెండేళ్ళ బ్యాన్‌ వర్తించదని అధికారులు చెప్పారు. ఇప్పటికే పలు కంపెనీలు వలస కార్మికులు, ఉద్యోగుల్ని చేర్చుకునేందుకు ప్రయత్నించగా, వారిపై రెండేళ్ళ బ్యాన్‌ అమల్లో ఉన్న కారణంగా వీసా తిరస్కరించబడినట్లు ఆయా కంపెనీలకు చెందిన అధికారులు వెల్లడించారు.