ఒమనీ యూత్‌లో సగానికి పైగా యువత గవర్నమెంట్‌ సెక్టార్‌లో పనిచేసేందుకే ఆసక్తి ప్రదర్శిస్తున్నారు. వేతనం తక్కువగా ఉన్నాసరే, గవర్నమెంట్‌ సెక్టార్‌లో పనిచేయడానికి ఒమన్‌ యువత ఆసక్తి చూపడం ఆసక్తికరం. నేషనల్‌ సెంటర్‌ ఫర్‌ స్టాటిస్టిక్స్‌ అండ్‌ ఇన్ఫర్మేషన్‌ (ఎన్‌సిఎస్‌ఐ) సర్వేలో ఈ వాస్తవం వెలుగు చూసింది. 76 శాతం ఒమన్‌ యువత ప్రైవేటు ఉద్యోగాలతో పోల్చితే 50 శాతం తక్కువ జీతం వస్తున్నప్పటికీ గవర్నమెంట్‌ సెక్టార్‌లో ఉద్యోగమే మేలని ఈ సర్వేలో వెల్లడించారు. ప్రైవేటు రంగంలో అనిశ్చితే ఇందుకు కారణమనీ, అందులో స్థిరత్వం ఉండదు కాబట్టి, రిస్క్‌ చేయడానికి యువత మొగ్గు చూపడంలేదు. అలాగే, తక్కువ పని గంటలు, పలు రకాలైన సౌకర్యాలూ ఒమన్‌ యువత, గవర్నమెంట్‌ సెక్టార్‌పై దృష్టి సారించడానికి కారణాలుగా చెప్పవచ్చు. ఒమనీ యువతలోని టాలెంట్స్‌ని మించి ప్రైవేట్‌ సెక్టార్‌ ఆశిస్తుండడం కూడా, ప్రైవేటు ఉద్యోగాల పట్ల ఒమన్‌ యువత చిన్న చూపుకు కారణంగా చెప్పవచ్చు.