యూఏఈ లేబర్‌ మినిస్ట్రీ గడచిన ఆరేళ్ళలో 42.3 మిలియన్‌ దిర్హామ్‌ల సెటిల్‌మెంట్లను చేసింది. 40 కంపెనీలకు సంబంధించి 13,616 మంది కార్మికుల సమస్యలను పరిష్కరించారు. కమిట్‌మెంట్‌కి తగ్గట్టుగా చెల్లింపులు చేయని సంస్థలకు సంబంధించి బ్యాంక్‌ గ్యారంటీలను లాక్‌ చేసిన మంత్రిత్వ శాఖ, 2010 నుంచి వచ్చిన ఫిర్యాదులను పరిశీలించి తగిన చర్యలు చేపడుతూ వచ్చింది. 8,493 మంది కార్మికులు బ్యాంక్‌ గ్యారంటీస్‌ సెటిల్‌మెంట్‌ నుంచి లాభపడ్డారనీ, వారంతా తిరిగి సొంత దేశాలకు వెళ్ళేందుకు సుముఖత వ్యక్తం చేశారనీ, 5,123 మంది తమ బకాయిల చెల్లింపుతో, ఇతర సంస్థల వైపు మొగ్గు చూపారనీ, మినిస్ట్రీ వారికి వర్క్‌ పర్మిట్స్‌ మంజూరు చేసిందని అధికారులు చెప్పారు. వేతనాల చెల్లింపు విషయంలో మంత్రిత్వ శాఖ కఠినంగా వ్యవహరిస్తుందనీ, ఎలాంటి అక్రమాలకు తావివ్వదని మంత్రిత్వ శాఖ ప్రతినిథులు వివరించారు.