మస్కట్‌:హిట్‌ అండ్‌ రన్‌ కేసులో నిందితుడ్ని, ఇన్‌స్పెక్షన్‌ టీమ్ కేవలం అరగంటలోనే అరెస్ట్‌ చేయడం సంచలనంగా మారింది. వివరాల్లోకి వెళితే, నిందితుడు అత్యంత రెక్లెస్‌గా డ్రైవింగ్‌ చేస్తూ హిట్‌ అండ్‌ రన్‌కి పాల్పడ్డాడు. ఏమాత్రం రోడ్లపై నడవడానికి వీల్లేని వాహనాన్ని నిందితుడు నడిపాడు. అల్‌ దఖ్లియా పోలీస్‌ గవర్నరేట్‌ ఈ అరెస్ట్‌ విషయంలో అత్యంత సమర్థవంతంగా తమ టీమ్ వ్యవహరించినట్లు పేర్కొంది. సెర్చ్‌ టీమ్ ని ఏర్పాటు చేసిన అరగంటలోనే ఫలితం వచ్చిందనీ, నిందితుడిపై చట్టపరమైన చర్యలు తీసుకుంటామని అధికారులు వెల్లడించారు.