రియాద్‌: సౌదీ అరంకో, ఫ్యూయల్‌ ధరల్ని పెంచుతూ నిర్ణయం తీసుకుంది. గ్యాసోలిన్‌ 91 ఇకపై 1.55 సౌదీ రియాల్స్‌కి చేరుకుంటుంది. ఇప్పటిదాకా ఈ ధర 1.50గా వుంది లీటర్‌కి. గ్యాసోలిన్‌ 95 ధర 2.05 సౌదీ రియాల్స్‌ నుంచి 2.11 సౌదీ రియాల్స్‌కి పెరిగింది. ఇక నుంచీ ప్రతి నెలా 10వ తేదీ నుంచి ధరల్లో మార్పులు చేర్పులు చోటు చేసుకుంటాయని సౌదీ అరంకో వర్గాలు వెల్లడించాయి. కింగ్డమ్ లో ఫ్యూయల్‌ ధరలు ప్రపంచ మార్కెట్‌లో ఎక్స్‌పోర్ట్‌ ధరలకు అనుగుణంగా మారతాయి. దాంతో, అంతర్జాతీయ మార్కెట్‌కి అనుగుణంగా కింగ్డమ్ లోనూ ధరల్లో మార్పులుంటాయి. కాగా, ధరల విషయమై ఎప్పటికప్పుడు మినిస్ట్రీ ఆఫ్‌ కామర్స్‌ ఇన్‌స్పెక్షన్స్‌ నిర్వహిస్తుందని అధికారిక వర్గాలు వివరించాయి.