షార్జా కొత్త వెజిటబుల్‌ ఫిష్‌ మరియు ఫ్రూట్‌ మార్కెట్‌ ఎమిరేట్‌లో లేటెస్ట్‌ టూరిజం ల్యాండ్‌ మార్క్‌గా అవతరించింది. 138,000 మంది కేవలం రెండు వారాల్లో ఈ మార్కెట్‌ని సందర్శించారు. గత డిసెంబర్‌లో ఈ మార్కెట్‌ ప్రారంభమైంది. పలువురు స్కూల్‌ విద్యార్థులు తాజాగా ఫీల్డ్‌ ట్రిప్‌లో భాగంగా సౌక్‌ అల్‌ జుబైల్‌ మార్కెట్‌ని సందర్శించారు. 37,000 చదరపు మీటర్ల స్పేస్‌తో విశాలమైన ఈ మార్కెట్‌, రెండు అంతస్తుల్లో నిర్మించబడింది. ఫిష్‌, వెజిటబుల్స్‌, ఫ్రూట్స్‌ మరియు ఫ్రెష్‌ మీట్‌ అమ్మకాల విభాగాలు అందర్నీ ఆకట్టుకుంటున్నాయి. మార్కెట్‌కి సంబంధించిన ఔట్‌ డోర్‌ సెక్షన్‌ని కూడా సందర్శంచి, అక్కడి పరిస్థితులపై అవగాహన పెంచుకున్నారు. విద్యార్థులు మార్కెట్‌పై అవగాహన పెంచుకోవడానికి రావడం ఆనందంగా ఉందని, షార్జా మార్కెట్‌ పర్యాటక ఆకర్షణగా మారడం గొప్ప విషయమని నిర్వాహకులు తెలిపారు.