ఇండియన్‌ మినిస్ట్రీ ఆఫ్‌ హెల్త్‌, క్వారంటైన్‌ని 14 రోజులపాటు తప్పనిసరి చేసింది వివిధ దేశాల నుంచి వచ్చే ప్రయాణీకులకి. యూఏఈ, ఖతార్‌, ఒమన్‌ మరియు కువైట్‌ ద్వారా వచ్చేవారికి మార్చి 18 నుంచి ఈ క్వారంటైన్‌ని తప్పనిసరి చేస్తున్నారు. దుబాయ్‌లోని ఇండియన్‌ కాన్సుల్‌ జనరల్‌ విపుల్‌ ఈ విషయాన్ని ధృవీకరించారు. కరోనా వైరస్‌ తీవ్రత నేపథ్యంలో భారత ప్రభుత్వం ఈ చర్యలు తీసుకున్నట్లు ఆయన వివరించారు. కరోనా వైరస్‌ వ్యాప్తికి అడ్డుకట్ట వేసే క్రమంలో యూరోపియన్‌ యూనియన్‌ సభ్య దేశాలు, అలాగే టర్కీ మరియు యునైటెడ్‌ కింగ్‌డమ్ నుంచి వచ్చేవారికీ క్వారంటైన్‌ తప్పనిసరిగా అమలు చేస్తారు. ఏ ఎయిర్‌లైన్‌ కూడా ఈ దేశాల నుంచి వచ్చేవారికి బోర్డింగ్‌ సౌకర్యం కల్పించకూడదు.