తీయనైన భాష తేట మీగడ భాష

తేనెలూరు భాష తెలుగు భాష

కమ్మనైన భాష కవులు మెచ్చే భాష

కమనీయ రాగాల వెలుగు భాష

మాతృభాష యంటు మనము మాత్రమే నేర్చి

మన పిల్ల పాపలకు నేర్పకుంటే

కాలచక్రము లోన క్రమముగా తరుగుతూ

కనుమరుగు కాగలదు ఈ కనక భాష

అందుకై మనమంతా ఆత్మశుద్ధి తోన

పొందుగా నూతన సంవత్సరమున

మన పిల్లలకు ఈ యేట తెలుగు భాషను నేర్ప

మన వంతు బాధ్యతని బాస చేద్దాం

                                      --- నక్క భాస్కర రావు, అబుధాబి, యు ఏ ఈ.