కరోనా వైరస్ వేగంగా వ్యాప్తి చెందుతున్న నేపథ్యంలో రాయల్ బహ్రెయిన్ హస్పిటల్ ఆన్ లైన్ లోనూ వైద్య సేవలు అందిస్తోంది. వైరస్ వ్యాప్తి నియంత్రణకు సామాజిక దూరం పాటించటంలో భాగంగా ఆర్బీహెచ్ ఈ నిర్ణయం తీసుకుంది. శనివారం నుంచి గురువారం వరకు ఉదయం 9 గంటల నుంచి రాత్రి 9 గంటల వరకు స్లాట్స్ బుకింగ్ చేసుకునే అవకాశం కల్పించారు. www.royalbahrainhospital.com/telehealth ద్వారా స్లాట్స్ కోసం పేర్లు నమోదు చేసుకోవాల్సి ఉంటుంది. వెబ్ సైట్ ఓపెన్ చేయగానే ముందుగా మీ వ్యక్తిగత వివరాలను నమోదు చేసుకోవాలి. ఆ తర్వాత ఏ విభాగం డాక్టర్ ను ఏ సమయంలో సంప్రదించాలని అనుకుంటున్నారో నమోదు చేయాలి. ఆ తర్వాత డబ్బు చెల్లించాల్సి ఉంటుంది. ఆ తర్వాత మీ ఈ-మెయిల్ కు టైం స్లాట్ నిర్ధారిస్తూ సందేశం వస్తుంది. దాంతో పాటు ఓ లింక్ కూడా వస్తుంది. స్లాట్ బుక్ చేసుకున్న వ్యక్తి 15 నిమిషాల సమయాన్ని కేటాయిస్తారు. టెలి హెల్త్ ద్వారా హెల్త్ చెకప్ చేసిన సదరు డాక్టర్ మీరు రిజిస్టర్ చేసుకున్న ఈ మెయిల్ కు ప్రిస్కిప్షన్ పంపిస్తారు. స్మార్ట్ ఫోన్స్, ట్యాబ్లైట్స్, డెస్క్ టాప్ నుంచి టెలి హెల్త్ సేవలను పొందవచ్చు.