పవన్‌కల్యాణ్ ఓ విలేజ్‌పై ఫోకస్ పెట్టాడు. అన్నికోణాల్లో దాన్ని అద్భుతంగా తీర్చిదిద్దుతున్నాడట. ఇళ్లు, మార్కెట్, షాపులు, రైల్వేట్రాక్, చిన్న చిన్న మేళాలు ఇలా అన్నీ అందులో రియల్‌గా కనిపిస్తాయట. దాదాపు 5 కోట్లతో నిర్మిస్తున్నాడు. ఇందంతా రియల్ లైఫ్ కాదండోయ్.. రీల్ లైఫ్‌లో! 'సర్దార్ గబ్బర్‌సింగ్' పని మొదలుపెట్టి దాదాపు రెండున్నర ఏళ్లుపైనే సాగింది. కానీ ఈ ప్రాజెక్ట్ డిలే అవుతూ వస్తోంది. ఎందుకిలా జరుగుతోంది? రకరకాల ప్రశ్నల నేపథ్యంలో అసలు విషయం రివీల్ అయ్యింది.ఈ ఫిల్మ్‌ని పవన్ చాలా ప్రతిష్టాత్మకంగా తీసుకున్నాడు. దీనికి సంబంధించి ప్రతీ చిన్న విషయాన్ని చాలా కేర్ తీసుకుంటున్నాడట. రీసెంట్‌గా 5 కోట్లతో హైదరాబాద్‌లో భారీ సెట్ వేశారు యూనిట్ సభ్యులు.ఇందులో రత్నపూర్ అనే విలేజ్ నిర్మించేశారు. విలేజ్ ఎలా వుండాలి? ట్రెండ్‌కు తగ్గట్టుగా వుండేలా అన్నిదగ్గరుండి చూసుకుంటున్నాడని టాక్. ప్రతి పనిని కీన్‌గా అబ్జర్వ్ చేస్తున్నాడు. ఈ సెట్‌కు సంబంధించి షాపులు ఎలా వుండాలి? ఎంట్రన్స్ ఎలా ఐతే బాగుంటుంది? దీనివెనక బ్యాక్‌గ్రౌండ్‌లో ఏం కనపడాలి? వంటివి చూస్తున్నాడని యూనిట్ అంటోంది. ఆర్ట్ డైరక్టర్ బ్రహ్మ కడలి చేత ఫస్ట్ మినియేచర్ సెట్ వేయించాడు పవన్. తాను సాటిస్‌ఫై అయ్యేదాకా మార్పులు చేర్పులు చేస్తూనే వున్నాడు. ఈ సెట్ చాలా నేచురల్‌గా వుండేలా కొలిక్కి తెచ్చాడు. ఈ మంత్ ఎండింగ్ నాటికి ఈ విలేజ్ సెట్‌లో షూటింగ్ పూర్తి అవుతుందని, మూవీకి ఇదే హైలైట్ అవుతుందని సమాచారం.