దుబాయ్:డ్యూటీలో ఓ పోలీస్ ఆఫీసర్ ను కించపరిచేలా వ్యవహరించిన ఓ అసియా వ్యక్తిని పోలీసులు అరెస్ట్ చేశారు. దుబాయ్ డిస్ట్రిక్ లో ఈ ఘటన చోటు చేసుకుంది. విధుల్లో ఓ పోలీస్ ఆఫీసర్ ను వీడియో తీసిన నిందితుడు..తర్వాత ఆ వీడియోకు ఎమోజీలను యాడ్ చేసి పోలీసును ఎగతాళి చేసేలా రూపొందించాడు. ఆ తర్వాత వీడియోను ఆన్ లైన్ అప్ లోడ్ చేశాడు. అయితే..వీడియో విషయం పోలీసుల వరకు వెళ్లటంతో పోలీసులు కేసు నమోదు చేసుకొని విచారణ చేపట్టారు. వీడియో అప్ లోడ్ చేసిన వ్యక్తిని గుర్తించి అతన్ని అరెస్ట్ చేశారు. న్యాయపరమైన విచారణకు తరలించారు.