దుబాయ్‌: అరబ్‌ యూనియన్‌ ఫర్‌ ఆస్ట్రానమీ అండ్‌ స్పేస్‌ సైన్సెస్‌ మెంబర్‌ ఇబ్రహీం అల్‌ జర్వాన్‌ మాట్లాడుతూ, ఏప్రిల్‌ 24వ తేదీ నుంచి రమదాన్‌ ప్రారంభమయ్యే అవకాశమున్నట్లు చెప్పారు. గురువారం, ఏప్రిల్‌ 23 రాత్రి 6.26 నిమిషాలకు రమదాన్‌ క్రిసెంట్‌మూన్‌ జన్మిస్తుందనీ, వెస్టర్న్‌ హారిజాన్‌పై సన్‌సెట్‌ అనంతరం 20 నిమిషాల తర్వాత ఇది కన్పిస్తుందని చెప్పారాయన. ఇది స్పష్టంగానే కంటికి కన్పిస్తుంది గనుక, ఏప్రిల్‌ 24 నుంచి పవిత్ర రమదాన్‌ మాసం ప్రారంభమవుతుందని వివరించారు. ఈ ఏడాది ఉపవాస సమయం 15 గంటల కంటే తక్కువగా వుండొచ్చు. అతి తక్కువగా 14 గంటల 25 నిమిషాల పాటు వుండే అవకాశం వుంది. అత్యధికంగా 14 గంటల 57 నిమిషాలు వుండొచ్చు. షవ్వాల్‌ నెలకి సంబంధించి చంద్రుడు మే 22 శుక్రవారం 21.39 (పిఎం) సన్‌సెట్‌ తర్వాత వుంటుందనీ, దాంతో శనివారం ఫాస్టింగ్‌ డే(ఉపవాస దినం) వుంటుందనీ, అది రమదాన్‌ 30వ రోజు అవుతుందని చెప్పారు. మే 24 ఆదివారం షవ్వాల్‌ తొలి రోజు అనగా ఈద్‌ తొలి రోజు అవుతుందని ఆయన వివరించారు.