రియాద్‌: సౌదీ అరేబియా కింగ్‌ సల్మాన్‌, ప్రైవేట్‌ సెక్టార్‌ని కరోనా క్రైసిస్‌ నేపథ్యంలో ఆదుకునేందుకు అదనపు ఎకనమిక్‌ ప్యాకేజీకి ఆమోదం తెలిపారు. మొత్తం 50 బిలియన్‌ రియాల్స్‌ ప్యాకేజీలో అనేక కీలక అంశాలున్నాయి. ప్రైవేట్‌ సెక్టార్‌ డ్యూస్‌ చెల్లింపుని సులభతరం చేస్తుంది. ఆయా రంగాల్లో లిక్విడీటీని పెంచుతుంది. ప్యాసింజర్‌ ట్రాన్స్‌పోర్ట్‌ రంగంలో పనిచేస్తున్నవారి వేతనాల చెల్లింపుకు ఉపకరిస్తుంది. 47 బిలియన్‌ రియాల్స్‌ని హెల్త్‌ సెక్టార్‌ కోసం కేటాయిస్తున్నారు. 30 మిలియన్‌ జనాభా వున్న దేశంలో కొత్తగా 493 కరోనా పాజిటివ్‌ కేసులు నమోదయ్యాయి. మొత్తంగా 5,862 కరోనా పాజిటివ్‌ కేసులు దేశంలో నమోదుకాగా, 79 మరణాలు సంభవించాయి. కాగా, ఇటీవలే కింగ్‌ సల్మాన్‌, 9 బిలియన్‌ రియాల్స్‌ని ప్రైవేట్‌ సెక్టార్‌ ఉద్యోగుల జీతాల కోసం విడుదల చేశారు.