రియాద్: ప్రపంచాన్ని వణికిస్తున్న మహమ్మారి కరోనా వైరస్ ప్రబలుతున్న ప్రస్తుత సమయంలో పవిత్ర రమదాన్ ప్రార్ధనలను ఇళ్లలోనే చేయాలని మతపెద్దలు పిలుపునిచ్చారు. ప్రపంచ వ్యాప్తంగా వివిధ దేశాల్లో ఉన్న ముస్లింలు అందరూ కరోనా వైరస్ కట్టడికి సహకరించేలా ఆయా దేశాల సూచనలను పాటించాలని సీనియర్ స్కాలర్స్ మండలి కార్యదర్శి కోరారు. లాక్ డౌన్, కర్ఫ్యూ అమలులో ఉన్న దేశాల్లో దేశ నిబంధనలకు విఘాతం కలిగించేలా వ్యవహరించొద్దని సూచించారు. అలాగే పవిత్ర రమదాన్ మాసంలో ఎలాంటి సామూహికంగా నిర్వహించే ఏ కార్యక్రమాల్లోనూ పాల్గొనకూడదని కూడా స్కాలర్స్ మండలి కోరింది. ఇఫ్తార్, సుహూర్ లను నిర్వహించొద్దని, ఎవరూ గుమిగూడొద్దని పిలుపనిచ్చింది.