కువైట్:రమదాన్ మాసానికి సంబంధించి కర్ఫ్యూ సమయాలను, జాతీయ సెలవు రోజుల వివరాలను కువైట్ ప్రకటించింది. ప్రతి రోజు సాయంత్రం 4 గంటల నుంచి ఉదయం 8 గంటల వరకు కర్ఫ్యూ ప్రకటించింది. అలాగే రమదాన్ సందర్భంగా జాతీయ సెలవులను మే 28 వరకు పొడిగిస్తున్నట్లు వెల్లడించింది. అన్ని ప్రభుత్వ, ప్రైవేట్ సంస్థలు తమ ఆదేశాల మేరకు మే 28 వరకు సెలవులు పొడిగించాలని...తిరిగి మే 31, ఆదివారం నుంచి పని దినాలను ప్రారంభించాలని పేర్కొన్నారు. ఇక కరోనా కట్టడికి రమదాన్ మాసంలోనూ కర్ఫ్యూని పొడగించాలని మంత్రివర్గం నిర్ణయించినట్లు ప్రభుత్వ అధికార ప్రతినిధి ప్రకటించారు. అయితే..రంజాన్ సందర్భంగా రెస్టారెంట్లు, ఫుడ్ స్టోర్స్ కి మాత్రం కర్ఫ్యూ నుంచి మినహాయింపు ఇచ్చినట్లు తెలిపారు. సాయంత్రం 5 గంటల నుంచి అర్ధరాత్రి ఒంటి గంట వరకు రెస్టారెంట్లు, ఫుడ్ స్టోర్స్ నుంచి హోమ్ డెలివరీలకు అనుమతి ఇస్తున్నట్లు వెల్లడించారు.